"Estamos no momento máis crítico da historia da humanidade", afirma Hawking

O soado físico teórico, cosmólogo e divulgador científico volveu a falar, e como sempre, a súa opinión é benvida. Fíxoo nun artigo publicado polo xornal británico 'The Guardian'. As súas declaracións , con todo, afástanse do seu tradicional campo de sabedoría, a ciencia, para centrarse nas preocupacións derivadas do estraño rumbo que está a tomar o mundo moderno.

“A intelixencia artificial pode propagar a destrución do traballo dentro das clases medias”

Avances non tan positivos

Como colaboradores do fenómeno, non podían faltar as novas tecnoloxías: "A automatización das fábricas ha decimado traballos de manufactura tradicional, e a aparición da intelixencia artificial pode propagar a destrución do traballo dentro das clases medias".

Esa mesma tecnoloxía acabará acelerando, segundo Hawking, a crecente desigualdade económica, xa que Internet e outras plataformas fan posible que pequenos grupos de individuos reciban enormes ganancias, mentres se xeran poucos empregos.

“Temos que axudar ás persoas para obter habilidades para un novo mundo mentres as apoiamos financeiramente para que o consigan”

Unha destrución, froito do progreso, que é inevitable e que ao mesmo tempo é máis evidente que nunca: "As vidas das persoas máis ricas nos lugares máis prósperos do mundo son dolorosamente visibles para calquera que, aínda que sexa pobre, dispoña dun teléfono móbil".

Hawking fixo o seu diagnósitico. Están a tempo as elites de evitar o avance. Como terían que actuar? "Necesitamos romper desde dentro as barreiras entre nacións, non construílas. Se queremos dar unha oportunidade a isto, os líderes do mundo necesitan recoñecer que fracasaron e que fallaron a moita xente. Con recursos cada vez máis concentrados nas mans duns poucos, imos ter que aprender a compartir moito máis en comparación a como o estamos facendo agora".

Estamos no momento máis perigoso para o devir da humanidade. Hawking lembra que posuímos a tecnoloxía e os medios para destruír o planeta, pero non para escapar del. Mellor, por tanto, que traballemos todos xuntos para protexelo.

Posted in: Reflexións