Os inventos máis importantes da humanidade

Ao longo dos séculos, houbo inventos e descubrimentos que transformaron o mundo. Botamos unha ollada aos 25 inventos máis significativos.

 

ALFABETO

Antes de que o alfabeto empezase a usarse, para gardar información escrita usábase un complexo sistema de símbolos pictográficos. Crese que o primeiro sistema de escritura alfabética, unha escritura proto-sinaica con consonantes, inventouna entre 1850 e 1700 a.C. un grupo de persoas de fala semítica. A escritura compoñíase de 22 símbolos e escribíase de dereita a esquerda.

PAPEL

Crese que este importante invento chinés existe desde 105 a.C. Un funcionario do goberno, na corte do emperador Cai Lun, da dinastía Ho-dei, descubriu que coa cortiza da morera, cáñamo, panos e redes de pesca podíase producir unha pulpa coa que crear follas para escribir. A técnica para crear papel estendeuse aos poucos por Exipto, África e Europa.

PÓLVORA

Moito antes de que se inventar a bomba atómica, os alquimistas chineses descubriron a pólvora nos seus experimentos para buscar a inmortalidade. A dinastía Song utilizouna contra os Mongoles e seguiron desenvolvéndoa. No século XIII, os procedementos para preparar a pólvora estendéronse por Europa e o mundo árabe.

O COMPÁS

É difícil definir de forma exacta as orixes do compás. Descubriuse que eran usadas polas antigas civilizacións chinesa e grega e está amplamente estendida a idea de que os árabes levaron o concepto do compás a Europa no século X. O uso definitivo do compás magnético está rexistrado no Mediterráneo no século XII.

LENTES ÓPTICAS

Crese que Italia é o lugar de nacemento das lentes, que se facían de cristal natural no século XIII. Aínda que despois foi substituído por vidro, a visión que proporcionaban era borrosa. Finalmente, en 1730, Chester Moore Hall, un avogado inglés, inventou as primeiras lentes acromáticas usando dúas lentes de vidro e deu un gran salto neste campo.

IMPRENTA

Johannes Gutenberg, un ferreiro alemán, inventou a imprenta a finais dos anos trinta do século XV. Usando bloques de metal, creou unha máquina tipográfica móbil para reproducir textos e o primeiro que imprimiu foi a Biblia. A imprenta xogou un papel significativo durante o período do Renacemento e anunciou a era da comunicación de masas.

A MÁQUINA DE VAPOR

A primeira máquina de vapor patentouna Thomas Savery, un enxeñeiro militar inglés, en 1698. Con todo, non foi ata 1712 cando un ferreiro inglés, Thomas Newcomen, inventou o motor atmosférico usando un pistón, co que se utilizou esta máquina comercialmente nunha mina. Despois dunhas cinco décadas, James Watt creou unha versión moi mellorada que foi fundamental para a Revolución Industrial. (Na imaxe) O 'pai do ferrocarril', o foguete de Georfe Stephenson, en 1829.

O SEXTANTE

Este instrumento náutico supuxo unha revolución para os mariñeiros. Un dos primeiros sextantes foi deseñado polo inglés John Bird en 1757. Estaba baseado nos deseños de modelos de octante creados por separado por John Hadley e Thomas Godfrey, en Inglaterra e Estados Unidos respectivamente. Eles, á súa vez, basearan os seus inventos nos descubrimentos da dobre reflacción de Isaac Newton en 1699.

VACINACIÓN

 Aínda que se atribúe aos chineses a invención da variolación, precursora da vacinación, recien en 1796, un físico e científico británico, Edward Jenner (der.), descubriu a que sería a vacinación moderna. O seu uso do virus das vexigas do gando para curar as vexigas resultou exitoso, o que achandou o camiño para as futuras investigacións neste campo. Unha anécdota interesante: o Dr. Jenner investigou a súa teoría despois de escoitar a un gandeiro dicir: "Nunca terei vexigas porque xa tiven as vexigas do gando. Nunca terei unha cara fea e picada".

REFRIXERACIÓN

O primeiro sistema de refrixeración artificial coñecido foi presentado na Universidade de Glasgow polo Dr. William Cullen en 1748, aínda que a primeira máquina de refrixeración foi deseñada polo inventor estadounidense Oliver Evans en 1805. Baseándose no deseño de Evans, o físico estadounidense, John Gorrie, construíu en 1844 un refrixerador para tratar aos seus pacientes que sufrían de febre amarela. A industria cervexeira non tardou en darse conta dos beneficios da refrixeración, seguida das empaquetadoras de carne. (Na imaxe) Un representante de Electrolux mostra a maquinaria dun dos frigoríficos da compañía no Hotel Savoy, en Londres, Inglaterra, en febreiro de 1926.

SIDERURGIA INDUSTRIAL

Antes de 1857, o aceiro estaba dispoñible en pequenas cantidades, producido por cementación ou outros procesos que restrinxían o seu uso. Pero sir Henry Bessemer inventou un proceso que permitía fundir ferro para convertelo en aceiro de forma máis rápida, sistema foi coñecido como o proceso Bessemer. Isto permitiu a produción de grandes cantidades de aceiro de boa calidade sen grandes custos, un gran salto para a civilización moderna. (Na imaxe) Unha pintura ao óleo de E. F. Skinner da Primeira Guerra Mundial que mostra a produción do aceiro mediante o proceso Bessemer na acería Penistone, en Yorkshire do Sur, Inglaterra.

SISTEMA SANITARIO

Os sistemas sanitarios modernos foron introducidos a mediados do século XIX. En 1848, a Lei de Saúde Pública foi instaurada en Inglaterra seguindo un informe do reformador da sanidade pública, sir Edwin Chadwick. En 1866, a primeira Lei Sanitaria foi aprobada. Outros fitos inclúen os estudos do Dr. John Snow en 1854, que mostran que o cólera se expande pola auga, e a invención do foso séptico por Louis Moureas en 1860. (Na imaxe) O persoal esperando no tren sanitario continental británico durante a Primeira Guerra Mundial.

TELÉFONO

O 7 de marzo de 1876, o científico escocés Alexander Graham Bell conseguiu a patente oficial do seu invento: o teléfono. Bell, que traballaba nun colexio para xordos por aquel tempo, estaba tentado crear un aparello que permitise transmitir sons a través da electricidade. Tres días despois de que o teléfono fose patentado, a primeira frase transmitida por Bell foi: "Sr. Watson, veña aquí; quero velo", dirixíndose ao seu axudante de laboratorio, Thomas Watson.

MOTOR DE COMBUSTIÓN INTERNA

O enxeñeiro belga Jean Joseph Etienne Lenoir foi o primeiro en construír un motor de combustión interna en 1858. Pero foi Nikolaus Otto, un enxeñeiro alemán, quen construíu con éxito o primeiro motor de catro tempos en 1876. (Na imaxe) O triciclo de Karl Benz, de 1885, o primeiro automóbil que usou un motor de combustión interna. A Benz, o pioneiro fundador de Mercedes-Benz, concedéuselle unha patente pola creación.

ELECTRICIDADE

En realidade, non a invención, senón o descubrimento da electricidade pódese atribuír a diferentes personalidades como William Gilbert, Benjamin Franklin, Alessandro Volta e Michael Faraday. Con todo, o gran avance chegou cando o inventor estadounidense Thomas Alva Edison desenvolveu a lámpada incandescente de filamento, ao redor de 1878. Pola mesma época, un científico británico, Joseph Swan, tamén inventou o mesmo no seu país. Máis tarde, ambos formaron unha compañía para producir a primeira lámpada incandescente.

RADIO

Atribúeselle ao inventor italiano Guglielmo Marconi o desenvolvemento e a transmisión do sinal de radio transatlántica por primeira vez en 1901. Antes disto, outros científicos como Nikola Tesla e Nathan Stufflefield traballaron no desenvolvemento desta tecnoloxía. De feito, Tesla é agora recoñecido como a primeira persoa que patentou a tecnoloxía da radio en 1893. A invención da radio anunciaba o poder dos medios de comunicación electrónicos. (Na imaxe) Primeiro transistor de radio de Sony, TR-55,

 O AVIÓN

O 17 de decembro de 1903, os irmáns estadounidenses, Wilbur e Orville Wright, inventaron o primeiro avión do mundo. Wilbur voou durante 59 segundos a unha altura de 259.6 metros. Os irmáns seguiron traballando no modelo e, finalmente, construíron o primeiro avión totalmente práctico dous anos despois. Os Wright inspiráronse nos deseños do aviador alemán Otto Lilienthal, que desgraciadamente morreu durante un dos seus experimentos. (Na imaxe) O monoplano Bleriot utilizado polo exército británico. (Na imaxe) O monoplano Bleriot utilizado polo exército británico.

FERTILIZANTES ARTIFICIAIS

O profesor Fritz Haber (na imaxe), un químico alemán, inventou o proceso de síntese do amoníaco a partir de nitróxeno e hidróxeno en 1918. Isto axudou na produción a gran escala de fertilizantes, que tivo un papel importante durante a Revolución Verde. Haber tamén é coñecido como o pai das armas químicas, debido ao seu traballo sobre gases venenosos durante a Primeira Guerra Mundial

 

PENICILINA

O primeiro antibiótico do mundo foi descuberto accidentalmente polo Dr. Alexander Fleming, un bacteriólogo, no Hospital St. Mary de Londres, Inglaterra, en setembro de 1928. Máis tarde comentou: "Cando me espertei xusto despois do amencer o 28 de setembro de 1928, certamente non planeei revolucionar todo o medicamento por descubrir o primeiro antibiótico no mundo, ou unha bacteria asasina. Pero supoño que iso foi exactamente o que fixen".

FISIÓN NUCLEAR

O descubrimento da fisión nuclear atribúeselle ao físico italiano Enrico Fermi, quen creou a primeira reacción nuclear en cadea en 1934. Con todo, só foi recoñecida en 1938 por dous científicos alemáns (Otto Hahn e Fritz Strassmann) cando separaron con éxito un átomo de uranio en varias partes. Isto levou á concepción da bomba atómica, que xogou un gran papel na Segunda Guerra Mundial. 

A REVOLUCIÓN VERDE

Entre os anos corenta e sesenta do silgo XX, unha importante revolución agrícola cambiou a humanidade para sempre. O economista agrícola Norman Borlaug (na imaxe), que chegou a ser coñecido como o 'pai da Revolución Verde', desenvolveu un enfoque que impulsou a produción agrícola e salvou a máis de mil millóns de persoas da fame. O termo 'Revolución Verde' utilizouno por primeira vez William Gaud, o entón director da Axencia dos Estados Unidos para o Desenvolvemento Internacional, en 1968.

SEMICONDUCTORES ELECTRÓNICOS

O trío formado por John Bardeen, Walter Brattain e William Shockley inventou o primeiro transistor, un dispositivo feito de material semiconductor, en 1947. Con todo, o termo "semiconductor" foi utilizado por primeira vez polo físico italiano Alessandro Volta xa en 1782 e o primeiro dispositivo semiconductor (barbas de gato) foi patentado polo gran pensador indio Jagdish Chandra Bose en 1901. Os semiconductores electrónicos achandaron o camiño cara ao mundo virtual de hoxe.

PÍLULA ANTICONCEPTIVA

Ao Dr. Carl Djerassi, un químico estadounidense de orixe austriaco, chámallo o 'pai da pílula anticonceptiva'. A invención de Djerassi provocou unha revolución social como nunca antes. A súa investigación durante a súa estancia en México en 1951 deu a luz a pílula. En 1957, a Administración de Medicamentos e Alimentos (FDA polas súas siglas en inglés) aprobouna para trastornos menstruales severos e finalmente, en 1960, a pílula empezou a ser utilizada como anticonceptivo. (Na imaxe) Comprimidos de Zorane, unha serie de pílulas baixas en estrógeno.

INTERNET

Internet foi a precursora da era dixital. O seu inicio remóntase á época da Guerra Fría, cando Estados Unidos utilizouno como arma gobernamental. Ante o temor dun ataque soviético inminente ás redes de telefonía, o científico do MIT , J.C.R. Licklider, propuxo unha "rede galáctica" de computadores para comunicarse, en 1962. O concepto foi desenvolvido en 1965, o que levou á creación de ARPAnet, a rede informática do goberno. A primeira mensaxe que se entregou por esta vía foi "LOGIN", en 1969.

 

 

 

 

Posted in: Filosofía e Tecnoloxía